De moiste Tied van`t Jahr – dat is de Urlaubstied

(von und vorgetragen von Wiltrud Schauer)

 

All in`n Winter blööt de meisten Lue in Prospekte un Kataloge. Wo schall dat dit Jahr hengahn, na Italien, Frankriek, Griechenland, Östriek or vööl, vööl wieter weg? Dat dat Geld knapp is, kannst in de Urlaubstied meist nich marken. `n ganzet Jahr ward för disse Wäken spart. Un darbi gifft dat uk hier, rund um uus to, `n Barg to bekieken, besöken un kennen to lehrn ... un sik to verhalen. Of du an de See föhrst, of du in`t Ammerland or in`t Ollnborger Land bliffst, is liekervääl.

Dar lohnt sik dat, de Klosterruin van Hude to besöken, de moie Stadt Wilshusen mit de Alaxanderkark, Bad Twüschenahn un väle annere, smucke Dörper. Een ganz besünnert Beleven ist een Spaziergang or`n Radtour dor den Hasbrook twuschen Gannerseer un Hude. Disse historisch ole Busch. Dat sünd gode 630 ha. Man, du musst mit apen Ogen un Ohren dör dat Holt lopen. Dar gifft dat över 50 verscheden Vageloorten. Wenn`t  slumpt, sühst du den Swart-, Grau- un Groonspecht un dree Orten van`n Buntspecht. Deerter un Planten, de van`t Utstarven bedroht sund, gifft dat dar just so as 10 verscheden Fledermuus. Bekannt is säker de dicke Friederikeneek, de all1200 Jahr up`n Puckel hett. Un de Jagdhütt wird 2007 150 Jahr old.

Glovst du nu, dat sik een Besook or Urlaub in disse Gegend lohnt?“

Free Joomla! template by Age Themes